شيرين عبد الوهاب تردّ على تصريحات طليقها حسام حبيب
علّقت الفنانة شيرين عبد الوهاب على تصريحات طليقها الفنان حسام حبيب، والتي هدّدها فيها بحبسها بعد اتّهامها له بأنه سرق منها مبلغ 200 ألف دولار.
صورة نشرتها الفنانة شيرين عبد الوهاب على صفحتها الانستغرام -تصوير: بدون كرديت
وقالت شيرين: "بطّل بقى عشان شكلك بقى وحش، الناس بتحبني عشان مكتوب في ورقة جوازي إن مهري 60 قرش، أنا طمّاعة إزاي؟، أنت دلوقتي اللي بتاكل في لحم الست اللي كانت مراتك، بس ببلاش، أعرف ربّنا الأول وبعدين اتكلّم عليه، أنا متهمتوش إنه سارق مني خزنة، وأنا بعتاله 200 ألف دولار".
وأضافت: "أما بالنسبة للمستوى اللي بيتكلم عنه إنه متعلّم وقارئ، فأنا بقولّه الناس الشعبية اللي من القلعة هما دول اللي جدعان اللي متربيين وميقبلوش إن مراته تصرف عليه، وبشهادة كل الناس وحتى رضوى الشربيني قالتها، إيه الشغلانة دي عشان نشتغلها، 6 سنوات مبيدفعليش 100 جنيه مصروف. وبالنسبة إنه بيقول أنقذوني منها، مفيش راجل من ضهر راجل يقول كده، مش يوطّي ويبوس الأيادي، ويقول هموت من غيرك، وقال أنا بحبها أكتر من كرامتي، وكل مرة برجع عشان بيصعب عليا وبيعيط وبيركع وبيتنازل".
وأردفت شيرين بالقول: "أنا انتهيت، كان واخدني شمعة منوّرة وعندي شغلي وناجحة، بقالي 6 سنوات مش عارفة أنزّل أغنية من غيرته، وعملتله ستوديو، الحمد لله ربنا فرجها عليا لما سبته وهنزّل أغاني الأسبوع الجاي... كل الناس فاهمة إن اللي بيعمل الشويتين دول هما اللي متعلّمين، ومبيقبلوش إن ست تصرف عليه 6 سنوات، أنا اللي بنت الناس وبنت القلعة وأتشرّف إني منهم، واتكلّم عِدل لما تيجي تتكلم عنهم جزمتهم على دماغي".
وأضافت: "لن ألجأ للقضاء ولن أحبس أحداً، وعايزه الإعلام هو اللي يجيبلي حقي، وأنا خايفة ومش عارفة أعيش حياتي وبستغيث، ما هو لازم أكلّمه وأتواصل معاه، ملكوش دعوة بالخزنة أنا مسامحاه، أنا عايزه حساباتي فين العربية بتاعتي اتباعت بكام؟، والساعات الرولكس اللي اتاخدت جابت كام، ده جزء من حقه بقى اللي هو إيه حقه؟ إنه كان بيمسك إيدي ويطلّعني على المسرح؟!".
وأوضحت: "حسام حبيب أخد مني 10 ملايين جنيه مقابل إنه يمسك إيدي ويطلّعني المسرح، ويركب طيارات خاصة ويتخانق فيها، أنا كل شوية بتعاير بالفلوس دي، أنا عايز الفلوس لا مش عايزها، كلّمني وقالّي مش عايز الفلوس دي وهرجع الاستوديو، طب خدتها ليه واتعملّك شيكات بيها ليه؟ عشان أنت بتعاير وبتقول كلام أنا بس اللي أعرفه ولكن الناس مش عرفاه، المحاسب عنده ما يثبت إن له 600 ألف دولار و3 ملايين جنيه عشان كده اتقال الرقم كله بالمصري".
صورة نشرتها الفنانة شيرين عبد الوهاب على صفحتها الانستغرام -تصوير: بدون كرديت
من هنا وهناك
-
منة فضالي تربط هطول الأمطار بالنفوس المريضة في رسالة غامضة
-
رحيل الفنان اللبناني أحمد قعبور بعد صراع مع المرض
-
رحمة أحمد تكشف حقيقة الاخبار عن عودة ابنها للعمل في مجال التمثيل
-
منة فضالي تربط هطول الأمطار بالنفوس المريضة في رسالة غامضة!
-
‘دقة ناقصة‘.. أغنية جديدة تجمع ‘أبو‘ ودينا الشربيني
-
ملك أحمد زاهر توجه رسالة لوالدها بعد خطوبتها: ‘أنت رجُلي‘
-
الفنانة فيفي عبده تعتذر لأحمد العوضي
-
وفاء عامر: أنا الأحق بتصدر اسمي تتر ‘السرايا الصفراء‘
-
فرح الزاهد تتحدث عن الهدف الأساسي من مسلسل ‘روج أسود‘
-
مي سليم: شخصيتي في ‘روج أسود‘ أوجعت قلبي
إعلانات
إعلانات
أرسل خبرا