‘ صُرتي القَصايِد كُلْها ‘ - بقلم : سيمون عيلوطي
31-12-2023 15:01:10
اخر تحديث: 06-01-2024 08:06:00
لَمَّن بِشِـعري بَديـتــي تِبرِزي صورَه حِلوِه
سيمون عيلوطي-صورة شخصية
بالقصيدِه تِحجِزي...
أبْيات بِتسَيطِر عا
مَشاعِري ...
تِعجِنيها وْتِخبِزي
عا كيفِك في شِعري
تِتْحَكَّمي ...
تكتبي... وِتْحَزِّزي...
قلبي مَلكتي ليش
عَمْ تِتْبَرجَزي؟!
تِتْجَبَّري... تِتْكبَّري...
وِتْبَوِّزي ...
ليش مِنِّي صايْري
تتنَقوَزي؟!
اسمَعيني... روقي...
لا تْنَرفِزي ...
ما حِسْ إلَّا إيدي
عَمْ تِكْتِبِك
فـي حُروف اللهْفِـه
شـو تِرسِمِك
وِفْ كِلْمات المَحَبِّه
توصِفك
أميرِه في المُعَنَّى*
زهرَه تْوَرِّقي ...
بَلكي مِـنْ بين القَصايِد
تُزْرُقــي ...
مِ القَوافـي لَـ عُيونـي
تُمْـرُقـي
تِتْغَلْغَلي في عالمي
وْشو تِـبرِقـي ...
صُرتي القصيدِه فيها
بِتْرَوْنِقي ...
بْحورْهـا بِتْـدوزِنــي
وْتِـتْـفَنَّنـي
وْتِتغنِّي في شَطْراتْها
وِتلَحِّـنـي
عُشَّــاق ديوان العرب
بِـتحَنِّـنـي
للشِّعِر، ... تِفعيلِه كـايِن
يـا نَثِر ...
يــا عَـمـودي مْنَسَّق
عا بَحِر ...
وِالمُعجِزِه ...
هَالقَصيدِه تْجَهِّزي
عا جُنوني فيكي
بِتْرَكِّزي ...
إنتي فيهـــا مُـدهِـشِــه
وِمْـعَزَّزِه ...
بِتْموج في أقمارِك
خَرَزِه!!
والشِّعِر مِن دونِك
لا مْآخَزِه ...
صَفْ حَكي كِلْماتُه
مِشْ مِحرِزِه...
انتي الشِّعِر هَالصُّور
بِتْفَزِّزي...
بعد ما كانت بلاكي
مْقَلْوَزِه...!!
* المُعَنَّى: نوع من أنواع الشِّعر العامي.
من هنا وهناك
-
‘شراء النوم‘ - قصة قصيرة بقلم : هادي زاهر
-
‘ أيُّهَا العامُ الجَدِيد ‘ - بقلم : كمال إبراهيم
-
‘ سَاحَاتُ الإنْتَاج ‘ - بقلم : كمال إبراهيم
-
‘أبو إسلام وعقله الكبير‘ - بقلم : محمد سليم مصاروة
-
‘ رَسَائِلُ مِنَ البَحْرِ ‘ - قصّة للأطفال بقلم : سامي فريد قرّه
-
‘ أمطرْ محبّةً سيّدي ‘ - بقلم : زهير دعيم
-
قصة ضوء بحجم النهار بقلم الكاتبة اسماء الياس من البعنة
-
‘رثاء الفنان الكبير محمد بكري‘ - بقلم : هادي زاهر
-
قصة ‘ضوء بحجم النهار‘ - بقلم: الكاتبة اسماء الياس من البعنة
-
موشحات ‘السماءُ قَبَّلَتِ الأرضَ‘ - بقلم : أسماء طنوس من المكر
إعلانات
إعلانات
أرسل خبرا